Germania:
Brokstedtum - locus
Olaus Scholcius - cancellarius fœderalis
Anna Lena Virbaca - ministra rerum externarum
Francia:
Chassieum - locus
Suecia:
Paulus Jonson (-is) - minister defensionis
Erasmus Paludanus - vir politicus
Britanniæ:
Victora Prentis (-is) - femina politica
Patricius Sandrus - miles
Hispania:
Algeciras (-atis) - locus
Estonia:
Marcus Ladarius - legatus
Bosnia et Herzegovina:
Boriana Christa - femina politica
Nova Zelandia:
Hyacintha Ardenna - ministra prima pristina
Cynthia Cirra - gubernatrix generalis
Christophorus Hypocinus - minister primus
Civitates Fœderatæ Americæ:
Alpha Luna Bayus - locus
Josephus Bidenus - præses
Houstonius - locus
Montereius Parkus - locus
Hus Canus Tran, -is - interfector
Ucraina:
Odessa - locus
Solidarius - locus
Cyrillus Vladleni filius Timoshencus - officialis
Zaporizia - locus
Rossia:
Vladimirus Georgii filius Lipaëvus - legatus
Michaël (-is) Valentini filius Vanninus - legatus
Israël:
Aria Macholopus Deri (indecl.) - minister rerum internarum
Beniaminus Natanius - minister primus
Argentina:
Raphaël (-is) Grossus - legatus
Turcia:
Constantinopolis (-is) - locus
Receptus Tayyipus Erdoganus - præses
Pera - locus
Brasilia:
Julius Cæsar (-is) Arrudæ - miles
Ludovicus Ignatius Lula Silvæ - præses
Thomas (-æ) Michaël (-is) Riberius Paiva - miles
Japonia:
Kobea - locus
Ursus Mons - locus
Azerbajdzhania:
Qusar (-is) - locus
Peruvia:
Machus Picchu, -us - locus
Libanus:
Berytus - locus
Tariqus Beitir (indecl.) - judex
Tripolis - locus
Irania:
Mahsa Amini (indecl.) - femina
Sinæ:
Hongcongum - locus
Pechinum - locus
Philippinæ:
Urbs Cavitatis - locus
Algeria:
Aynus al-Daflæ - locus
Syria:
Halab (-is) - locus
India:
Lachinauus - locus
Camerunia:
Martinianus Zogus - diurnarius
Corea Septentrionalis:
Pyongyangum - locus
Pakistania:
Miyanus Muhammadus Shahbazus Sharif (indecl.) - minister primus
Æthiopia:
Shira - locus
Tanzania:
Samia Sulucha Hassana - præses
Johannes (-is) Magufulus - præses pristinus
Mwanza - locus
Yemenia:
Al-Majaza - locus
Showing posts with label Latina. Show all posts
Showing posts with label Latina. Show all posts
2023-01-23 - Legatorum expulsio in Estonia et Rossia
Estonia nuntiavit expulsionem Vladimiri Georgii-filii Lipaëvi, legati Rossici Tallinnæ, ut responderet expulsioni Marci Laidre, legati Estonici Moscuæ, propter "degradationem" relationum. Ambo legati dimittent munus suum die septimo Februarii. Edgarius Rinkevits, minister rerum externarum, Lettonicarum, dixit "ex solidarietate cum Estonia, Lettonia degradabit relationes diplomaticas cum Rossia ex die vicesimo quarto Februarii, exigens ut Rossia respondeat similiter". (RU)
2023-01-21 - Libertas politica in Tanzania
Factio pro Democratia et Progressu - factio Tanzaniensis opposita, quam Freemanus Mbowus (Freeman Mbowe) ducit - demonstrationem politicam in Mwanza organizavit. Hoc erat prima demonstratio postquam præses Panafricanista Samia Suluhu Hassana (Samia Suluhu Hassan) abolivit prohibitionem conciliorum politicorum, quam Hassanæ prædecessor Johannes Magufulus (John Magufuli) - etiam Panafricanista - introduxit. Milia hominum in Furahishis campis (Furahisha grounds) congregabant. (TZ)
2023-01-19 - Nova lex de æqualitate virorum et mulierum in Monte Leonino
Montis Leonini præses Julius Maada Bio legem de æqualitate virorum et mulierum signavit, quæ mandabat ut negotiatores tres ex decem operarios mulieres haberent. Lex etiam quattuordecim hebdomades licentiæ pro partu et æqualem mercedem promittebat. "Gaudebamus hodie, quia initium factum est pro melioratione politica, sociali, et œconomica mulierum et puellarum in Monte Leonino," dixit Sara Ndimawa Adams, quæ caput est Fori Mulierum Montis Leonini. (SL)
2023-01-18 - Militantes Islamici occisi sunt a custodibus in Kenya
Decem militantes gregis, quæ Juventus (ash-Shabāb) appellatur et cui Caidatum (al-Qāʿida) favet, occisi sunt intra expeditionem custodum Kenyensium in Galmagala Kenyæ, postquam ista grex quinque cives per bombam in via juxtim occiderat. Arma propulsoria et machinationes explosivæ inventæ sunt. Forum Westgatis (Westgate Shopping Mall) in Nairobia, capite Kenyensi, anno bis millesimo decimo tertio ab ista grege insultatum est et sexaginta septem homines occisi sunt. (KE)
2023-01-14 - Electio præsidalis in Cechia
Epok prim de selektasion presidentik av esed fasied in Cekhia in diurn saturndiik. Miloš Zeman (ISTP), president usksitempik, kel es representant de fraksion sinistristik-konservistik, no potes esar reselekted. Petr Pavel (ISTJ), kandidat de fraksion dekstristik-progresistik, av ganied trideskuink sentimi de voti. Andrej Babiš (ENTJ), kandidat nov de fraksion sinistristik-konservistik, av ganied nemulte minu ma et trideskuink sentimi de voti. Ili konkurero in epok sekund.
La unua etapo de la elektado de la prezidanto okazis en Ĉeĥio. Miloš Zeman (ISTP), la ĝisnuna prezidanto, kiu reprezentas la maldekstristan-konservistan frakcion, ne plu povas reelektiĝi. Petr Pavel (ISTJ), kandidato de la dekstrista-progresista frakcio, gajnis tridekkvin centonojn de la voĉoj. Andrej Babiš (ENTJ), nova kandidato de la maldekstrista-konservista frakcio, gajnis iomete malpli sed ankaŭ tridekkvin centonojn de la voĉoj. Ili konkursos en la dua etapo.
Li prim etappe del election presidential ha o(c)curret in Tchekia. Miloš Zeman (ISTP), li tilnui presidento, quel representa li fraction levulistic-conservativ, ne posse esser reelectet. Petr Pavel (ISTJ), un candidato del fraction dextristic-progressivistic, ha ganiat triant quin percentes del votes. Andrej Babiš (ENTJ), un nov candidato del fraction levulistic-conservativ, ha ganiat un poc minu ma anc triant quin percentes del votes. Ili va concurrer in li secund etappe.
Li unesmi etape del elektione del presidante ha eventa in Chekia in saturdie. Miloš Zeman (ISTP), li tilnui presidanto, kelo representa li fraktione leftisti-konservativ, non pova bli rielekte. Petr Pavel (ISTJ), un kandidato del fraktione dextristi-progresivisti, ha gana trianti sink sentimes del votos. Andrej Babiš (ENTJ), un nov kandidato del fraktione leftisti-konservativ, ha gana pokim min ma anke trianti sink sentimes del votos. Los sal konkura in li duesmi etape.
Phase primo de electione de præside de Cechia es facto. Miloš Zeman (ISTP), præside usque ad nunc, ab qui fractione sinistro-conservativo es repræsentato, non potes es itero electo. Petr Pavel (ISTJ), candidato de fractione dextro-progressivistico, habe triginta quinque centesimos de votos. Andrej Babiš (ENTJ), novo candidato de fractione sinistro-conservativo, habe paulo minus sed etiam triginta quinque centesimos de votos. Suo concurrentia es facto in phase secundo.
Le prime phase del election presidential ha evente in Chechia. Miloš Zeman (ISTP), le presidente fin a ora, del fraction sinistre-conservative, non pote esser reelecte. Petr Pavel (ISTJ), un candidato del fraction dextre-progressivista, ha ganiate trenta-cinque centesimos del votos. Andrej Babiš (ENTJ), un nove candidato del fraction sinistre-conservative, ha ganiate un poco minus mais etiam trenta-cinque centesimos del votos. Illes concurrera in le secunde phase.
L' unesma fazo dil elekto prezidantal eventis en Chekia. Miloš Zeman (ISTP), la tilnuna prezidantulo, qua reprezentas la fraciono sinistristara-konservistara, ne povas rielektesar pos dek yari en l' ofico. Petr Pavel (ISTJ), kandidatulo dil fraciono dextristara-progresistara, ganis triadekekin procenti del voti. Andrej Babiš (ENTJ), nova kandidatulo dil fraciono sinistristara-konservistara, ganis kelkete min ma anke triadekekin procenti. Li konkursos en la duesma fazo.
Primus circulus electionis præsidalis in Cechia evenit. Milosus Zemanus (Miloš Zeman, ISTP), præses in officio, qui factionem sinistram-conservativam repræsentat, non potest iterum eligi. Petrus Pavelus (Petr Pavel, ISTJ), ex factione dextra-progressiva, triginta quinque centesimas suffragiorum accepit. Andreas Babishus (Andrej Babiš, ENTJ), novus candidatus ex factione sinistra-conservativa, parum minus sed etiam triginta quinque accepit. In secundo circulo pugnabunt. (CZ)
2022-11-25 - Opponentes conservativi regiminis liberalis capti sunt in Insulis Sancti Thomæ et Principis
Patricius Trovoada, minister primus liberalis Insularum Sancti Thomæ et Principis, nuntiavit officiales suos aversisse eversionem regiminis attemptatam a Delphino Neves, conservativo præside Conventus Nationalis. Neves et alter homo capti sunt postquam sedem centralem virium armatarum in Insula Sancti Thomæ surrepticie intraverant. Quattuor homines occisi sunt. Hoc accidit duobus mensibus post comitia parlamentaria habita, quorum victrix facta erat Patricii Trovoada factio. (ST)
2022-11-18 - Inundationes in Philippinis
In Davao Occidentali in Philippinis, Santa Maria oppidum in aquis diluvialibus ex fortibus pluviis Jovis die submersum est et status calamitatis ibi declaratus est. Meteorologi prædixerunt effectus conjunctos zonæ convergentiæ tropicæ et depressionis barometricæ allaturi esse pluvias medias et fortes. Ministerium Salutis Socialis et Progressionis præsidi Ferdinando Marcos juniori dixit sodalitates continue bona subsidio destinata denuo involvere. (PH)
2022-10-21 - Novus minister primus Burkinensis
Apollinaris Joachimus Kyelem de Tambela minister primus provisorius Burkinensis designatus est Veneris die ab præside provisorio militare Abrahamo Traoré, qui ipse inauguratus erat eadem die, postquam præsidem anteriorem amoverat. Novum regimen custoditurum est comitia mense Julio anni bis millesimo vicesimo quarto habenda. Novus minister primus est jurisconsultus et auctor librorum de politicis et patriæ suæ historia et erat dissignator pro societate televisifica privata. (BF)
2022-10-06 - Communitas Politica Europæa condita est
Communitas Politica Europæa condita est Pragæ, ubi præsides vel ministri primi quadraginta quattuor civitatum Europæarum convenerunt. In Communitate Politica Europæa, civitates sociæ Unionis Europææ conjunctæ sunt cum civitatibus Europæis accessui ad Unionem Europæam adversis (Britanniis, Helvetia, Norvegia etc.) et cum civitatibus Meridiorientoeuropæis forsan sociis futuris (Turcia, Ukraina, Azerbaidzhania, Serbia, Kosovia etc.). Rossia et Belorussia non invitatæ sunt. (CZ)
2022-10-02 - Incendia in Columbia
Die Dominica duæ calamitates Columbiam affecerunt. In Barrancabermeja, cylindri gasales in oficina societatis ad gasum distribuendum exploserunt et causaverunt incendium, quo multi homines inclusive impuberes periverunt. In Guapi Caucæ, grex armata Marxistica (ad alteram gregem armatam Marxisticam terrendam) juvenem feminam et ejus filium per torturam occidit et reliquias incendit, sed incendium diffusum est quod octoginta domos combusit et quingentos homines expulit. (CO)
2022-03-15 - Bellum inter Rossiam et Ucrainam
Bello Rossico-Ucrainico et pugna Kioviense sæviente, ministri primi Poloniæ Matthæus Morawiecki (ISTJ), Sloveniæ Joannes Janša (ENTJ) et Cechiæ Petrus Fiala (ISTJ) tramine peregrinant in Kioviam, caput Ucrainicum, ut cum præside Vladimiro Zelenski (ENTP) et ministro primo Dionysio Šmigalj (ENTP) conveniant atque firmamentum securibus et libertati Ucrainæ demonstrent. Regimines civitatis Kioviæ et regionis Kioviensis interdictum exeundi imposuerunt. Pugna Mariupolitana sæviente, cives ex urbe defugiunt. (UA)
2021-10-09 - Comitia in Cechia
Cechia comitia habuit usque ad Saturni diem - horam quartam decimam. Factio populistica ANO, gubernaculum ducens usque ad nunc, circa viginti septem centesimas votorum consecuta est, quod maximum est, sed ejus socius (nationalistæ - SPD) nimis debiles sunt. Ergo hæ factiones sinistræ et conservativæ repulsam ferunt. Victrices sunt factiones, quæ politicis dextris et progressui favent, usque ad nunc gubernaculo adversariæ fuerunt et a divitibus et eruditis sustinentur. (CZ)
2021-09-12 - Educatio in Afghania
Abdul Baqi Haqqani, minister scholarum Afghanarum et sodalis motus Taliban, seriem restrictionum pro discipulabus annuntiavit. Auditoria erint segregata, quia "educatio communis discipulorum et discipularum contra religionem Islamicam est". Mulieres et puellæ capitis tegumen gerere debebunt. Haqqani dixit Taliban viginti annos regredi nolle (tunc educatio puellis et mulieribus non licebat), magis Taliban supra hoc, quod hodie est, ædificare vult. (AF)
2021-05-30 - Coronavirus in Africa Australi
Hieme in hemisphærio australi adveniente, Cyrillus Ramaphosa præses Austroafricanus rationes contra novam coronaviri undam restringendas Soli die annuntiavit, id erit domu-egressio nocturna interdicta ab hora undecima vespertina usque ad horam quartam matutinam, conventus prohibiti plurium quam centum hominum intus et ducentorum quinquaginta hominum foris, et mandatum tabernarum et similium officinarum non necessariarum post horam decimam vespertinam claudendarum. (ZA)
2021-04-18 - Liga Supera Pedilusoria Europæa
Duodecim sodalicia pedilusoria – Arsenal Londiniensis, Chelsea Londiniensis, Liverpolium, City Mancuniensis, United Mancuniensis, Hotspur Tottenhamiensis, Inter Mediolanensis, Juventus Taurinensis, AC Mediolanensis, Atlético Matritensis, Barcino et Real Matritensis – Ligam Superam condendam pro delectis Europæis uni cum aliis pacti erant, ita autem in associationibus pedilusoriis et fautoribus indignationem incitaverunt et mox cogitationem istam pæne omnia renuntiaverunt. (UK)
2021-04-01 - Ira in Re publica Populari Sinarum
Res publica Popularis Sinarum Civitates Fœderatas Americæ irate monuit, ne lineam rubram transgrederentur, postquam legatus Civitatum Fœderatarum Americæ in Palau Rem publicam Sinarum (Taiwaniam) Jovis die publice viserat. Ita factus est primus legatorum Civitatum Fœderatarum Americæ, qui in officio Rem publicam Sinarum visit ab anno millesimo nongentesimo septuagesimo nono, quando Civitates Fœderatæ Americæ omnia fœdera cum Re publica Sinarum interruperant. (CN)
2021-03-27 - Sanctiones in Sinis
Ministerium rerum externarum Rei publicæ Popularis Sinarum sanctiones contra præsidem et præsidem vicarium Commissionis Civitatum Fœderatarum Americæ pro Religionis Libertate Internationali et legislatorem Canadensem Michaëlem Chong imposuit. Sanctiones a gubernaculo Rei publicæ Popularis Sinarum impositæ sequuntur sanctiones contra Rem publicam Popularem Sinarum a Civitatibus Fœderatis Americæ, Unione Europæa, Britanniis et Canada prius hoc hebdomade impositas causa transgressionum indictarum jurum Uigurorum in regione autonoma Xinjiangensi Sinarum occidentalium. (CN)
2021-02-07 - Pasusus nucleares in Irania
Intra colloquium cum classis aëriæ strategis, summus dux Iranicus Ali Khamenei Iraniæ rationem finalem et irreversibilem de contractu anno bis millesimo decimo quinto facto enuntiavit, dicens Iraniam omnes passus nucleares reversuram esse, si Civitates Foederatæ Americæ omnes sanctiones resolverint. Dixit quoque Iraniam obligationibus suis ex contractu stetisse, accusans Civitates Foderatas Americæ et tres civitates Europæas fidei datæ exsolvendi nollendi. (IR)
2020-W39 - Disparītiō in Coreā Merīdiōnālī
Ministerium dēfēnsiōnis Coreæ Merīdiōnālis dīxit officiālēs Coreæ Septentriōnālis occīdisse et cremāvisse officiālem ministeriī piscātūs Coreæ Merīdiōnālis, quī ex nāve cūstōdiente secundum līmitis septentriōnālis līneam Lūnæ diē dispāruerat et territōrium Coreæ Septentriōnālis intrāverat Mārtis diē post merīdiem. Probābiliter trānsfugere cōnābātur ad Coream Septentriōnālem, cujus nautārum mīlitārium gregēs eum tēlō mortiferē vulnerāvērunt et corpus ejus incendērunt. (KR)