- EX SUD-WEST-ASIA
- 2012-04-22: Protestes renovat contra li regime ha eclatat durant li nocte in Bahrain. Policie lanciat gas lacrimogen e granates aturdient contra civiles.
- EX WEST-EUROPA E CÁNADA
- 2012-04-22: Electores in Francia eat a li urnes pro li prim ronde de li election presidential. Li socialisto François Hollande e li conservativo e presidento titulari Nicolas Sarkozy ha avanciat al ronde secund.
- EX STATES UNIT DE AMÉRICA
- 2012-04-24: Pro li election primari presidential republican, electores in nord-ost-SUA eat a li urnes. Li nominato republican presumptiv Mitt Romney ha ganiat in Nov York, Pennsylvania, Delaware, Connecticut e Rhode Island. Un sýndico de Newt Gingrich ha annunciat, que il va remaner in li election primari, malgré har esset plazzat a detra per sondages de opinion.
- EX CHINA
- 2012-04-24: Salva Kiir Mayardit, li presidento de Sud-Sudan, ha visitat li República Populari de China serchante un assistentie por constructer un oleoduction. Kiir ha assertet, que li attaccas de Sudan contra su land equivale un declaration de un guerre.
- EX NORD-OST-EUROPA E CENTRAL ASIA
- 2012-04-27: Secundvez in li historie postrevolutionari, li guvernament conservativ de Rumania ha cadet pro un votation de desfide pos solmen du mensus pos su nomination del parlament. Li guvernament conservativ de Tchechia ha supervivet su votation de confidentie per decidu votes.
- EX SUD-EUROPA E ÁFRICA
- 2012-04-29: Alquant explosiones ha esset rapportat apu un ecclesia christian in Bayero-universitá in Kano, nord-Nigeria; admínim decisix homes ha esset mortat.
- EX AMÉRICA LATIN E OCEANIA
- 2012-04-29: Li Forties Armat Revolutionari de Colombia ha mortat quar membres de li Armé Colombian, queles hat esset misset destructer laboratorias de cocaine in Caquetá, sud-Colombia. Altri quar soldates, un policist e un jurnalist de Francia es mancant.
- EX OST-ASIA
- 2012-04-30: Li chefa de opposition in Birmania Aung San Suu Kyi ha dit, que un controverse pri li formulation del jurament official hat esset soluet e que ella e su collegs de li Liga National por li Democratie va visitar li parlament primvez.
- SON
- https://www.box.com/s/6d2cf1cdd4afc237a81d
- ACCENTU
- hispan
- SUBMÚSICA
- The Bride (Li Sponsa) de Hashim Al Alawi, Bahrain
