2015-03

AUDI REGISTRATION DE SON (accentu norvegian)

(orthographie historic)

95558487
  • 2015-02-24 | 2 457 078 | 002-011-NG | Soldates tchadic intervenient in Nigeria ha mortat plu quam ducent combattentes del organisation terroristic islamic Boko Haram in un conflicte apu Garambu, un litt cité próxim a frontiera camerunesi. Un soldate tchadic ha esset mortat e nin vulnerat. Du attaccantes suicidal ha appuntat du stationes congestet de autobuses in Potiskum, Yobe, nord-ost-Nigeria, e in Kano, nord-Nigeria, mortante admínim duantsett homes. Tal violentie es presc quotidian in ti ci region battalliosi. Nequí ha confesset su responsabilitá o por li un o por li altri explosion, ma ambis portat li características de Boko Haram.
    (Secun li Inqueste Mundal de Valores, nigerianes es mentalmen próxim a pakistaneses, queles in marte celebra li settantquinesim anniversarie de un occurrentie important por li índependentie de lor land sud-asiátic — li resolution de Lahore, quel in li annu 1940 demandat un creation de states índependent por musulmanes in li nord-west e ost de India Britannic.)
  • 2015-02-24 | 2 457 078 | 150-154-GB | Li Chambre del Lordes del Parlament del Reyia Unit de Grand Britannia e Nord-Irland ha finalmen approbat li proposition, quel antey in februar hat esset approbat per li Chambre del Communes. Li proposition vell permisser li creation de infantes ex tri genitores por curar alcun morbes mitocondrial. Durant un forme modificat de fertilisation in vitre, on vell usar un tre micri segment de acide deoxyribonucleic de un altri fémina por alternar li acide deoxyribonucleic defectiv del matre. In céllules, mitocondries es lor partes, queles converte nutrimentes a energie cellulari util por propulser processes vital. Grand Britannia e Nord-Irland ha devenit li prim land permissent ti ci procedura ancor éthicmen controversosi.
    (In Grand Britannia vive mult immigrantes pakistanesi. Grand Britannia es anc connexet per vias important E5 e E15 con Francia, quel preside li Consilie de Securitá del Nationes Unit in marte. Vu posse vider un architectura francesi in li photographie.)
  • 2015-03-12 | 2 457 094 | 021-840-US | Timothy Camus, viceinspectoro general por administration impostal de ministerie de finances de States Unit de América, testimoniat avan li commité financiari del senate, que depos li annu du mill decitri, criminardes, queles simulat esser actentes de administration impostal, contactet plu quam 366 mill homes per telephonadas chicanosi, demandante payamentes e menaciante per persecution e incarceration. To ci es li maxim grand fraude de su génere in li historie. Plu quam tri mill homes ha esset dupat ye 15.5 milliones de dóllares in summa. Víctimes esset in presc chascun state del union american. Investigatores federal crede, que hay plu quam un gruppe de commettores, inclusivmen alcunes in exterlande. Recentmen du homes in Florida, sud-SUA, ha esset arrestat e accusat pri esser un parte de un fraude, in quel centres de telephonada in India contactet contribuentes impostal in li States Unit. Immigrantes esset appuntat primarimen. Li telephonantes posse escamotar li identification del telephonante por aspecter quam un telephonada de un numeró de telephon del administration impostal. Illi fórsan mem connosset li últim quar ciffres del numeró del securitá social del contribuente impostal.
    (In li States Unit de América vive mult franceses.)
  • 2015-03-15 | 2 457 097 | 009        | Li guvernament vanuatuesi ha declarat un statu de urgentie por provincia Shefa, Vanuatu central, includente li cité capital Port Vila. Officies effortiat estimar li total vastitá del tempeste del categorie quin, titulat cyclon Pam. Anc altri provincias esset affectet. Enele Sopoaga, li prim ministro tuvaluan, estimat, que quarantquin percentes del population ha esset supplantat per li cyclon.
    (Vanuatu jace in Melanesia, in proximitá de Nov Caledonia, un archipélago sud-ost-francesi, ú hay un fort movement por un separation de Francia. Tuvalu jace in Polynesia, in proximitá de Polynesia Francesi, un archipélago sud-west-francesi, ú hay un fort movement por un separation de Francia.)