- DE SUD-WEST-AZIA
- 2012-05-01: La prezidantulo Usana Barack Obama vizitis Afganistan ne-anuncite, koincidante kun la unesma aniversario dil mortigo di Osama bin Laden dal Trupi Specal Usana en Pakistan. Kun la prezidantulo Afganistanana Hamid Karzai il signatis konkordo skisanta rolo Usana en Afganistan duronta pos la yaro 2014.
- DE *CHINA
- 2012-05-02: La ministrino di exterlandaji Usana Hillary Clinton arivis an Beijing por negocii alt-nivela kun la guvernerio di la Republiko Populal di China. El anke parolis kun la disidentulo Chen Guangcheng. Plu tarde, pro alegata minaci kontre ilua familio, il livis la ambasadeyo Usana, ube il spensabis un semano fuginte karcero domicilal.
德 奇納 拉 杜埃斯馬 迪 馬約 杜阿米萊德克杜: 拉 米尼斯特里諾 迪 埃克斯特爾蘭達日 烏薩納 希拉莉·克林頓 阿里維斯 安 北京 波爾 內戈齊伊 阿爾特尼韋拉 昆 拉 古韋爾內里奧 迪 拉 爾普布利科 波普拉爾 迪 奇納. 埃爾 安克 帕羅利斯 昆 拉 迪西登圖洛 陈光诚. 普盧 塔爾德, 普羅 阿萊加塔 米納齊 孔特雷 伊盧阿 法米利奧, 伊爾 利維斯 拉 阿姆巴薩德約 烏薩納, 烏貝 伊爾 斯彭薩比斯 溫 塞馬諾 富金特 卡爾采羅 多米齊拉爾.
- DE SUD-EUROPA ED AFRIKA
- 2012-05-03: Farhan Jeemis Abdulle, jurnalisto Somaliana e raportisto lokal bone konocata laboranta por Radio Daljir, ocidesis da pafero ne-identifikita en Gaalkacyo, central Somalia, kande lu iris a sua distrikto hema Garsor.
- DE AMERIKA LATINA ED OCEANIA
- 2012-05-04: 23 korpi — 14 sen-kapigita e 9 pendita de ponto — trovesis en Nuevo Laredo, Tamaulipas, nord-*Mexiko.
- DE EST-AZIA
- 2012-05-04: Nova studiuro publikigita en la jurnalo The Lancet des-kovris, ke mem 90 % skol-livanti en granda urbi est-Aziana sufras pro miopeso e ke 10 o 20 % esas tante miopa, ke to povas produktar blindeso. La kauzo esas, ke li spensas preske omna tempo en skolo e hemo, studiante e spektante televiziono. Ne kustumante irar ad extere, li indijas la lumo extera. Diferante de olima kredo, la kauzo do esas medial, ne genetikal.
- DE WEST-EUROPA E KANADA
- 2012-05-06: Elektanti en Slesvik-Holzacia, nord-Germania, iris a la urni pro elektado statal. La koalisuro guverninta di CDU Kristan-demokrata e FDP liberal dextrisma perdis sua majoritato, posibligante koalisuro inter SPD social-demokrata, La Verdi e SSW Dana.
- DE USA
- 2012-05-08: La Korto di Apeli en Nova York, en kazo La Populo kontre James Kent, decidis, ke nur havar pornografio infantal inter la memoraji celita di onua telefonilo movebla, malgre esar ofensiva, ne esas ne-legal en ta stato nord-est-Usana, pro ke to ipsa ne esas pruvo, ke la posedanto koncias la kontenajo di sua telefonilo o ke lu ipsa des-kargis la imaji intencante regardar oli. Parlamentani dil stato dicis, ke li konsideras to kom lakuno en lego, ri-formulizonte olu. Disdonado, produktado e posedado intencita esas ne-legal sen kontroverso.
- DE NORD-EST-EUROPA E CENTRAL AZIA
- 2012-05-10: Mem 400 000 laboranti di sektoro publika Britaniana rezolvis amasale strikar dum 24 hori, esante kontre diminuto projetata di pensioni. Plu kam 30 000 policani de la tota Rejio Unionita manifestis kontre reformi di la polico, diminuto di olua budjeto e diminuto di pagi, parto-prenante la maxim granda manifesto da policani ul-tempe eventinta en Anglia e Wals.
- SONO
- https://www.box.com/s/416b0c08387e1eb49245
- ACHENTO
- Slovaka, *Chinana
- SUB-MUZIKO
- Tam O'Shanter da George Whitefield Chadwick (Usa)
