2015-08

ASKOLTEZ SONA ENREJISTRURO (achento Cheka e Slovaka)

  • 956380362015-07-26 | 2 457 230 | 002-017-CM-EN  | Pro atako su-ocida dal organizuro teroristara Islamana Boko Haram per puerino evanta deketri yari, ad-minime duadek homi ocidesis e sepadek vundesis en Maroua, nord-Kamerun, an la frontieri Nigeriana e Chadana.
  • 2015-08-06 | 2 457 241 | 150-151-RU     | Surbaze di reskripto dal prezidantulo Rusiana Vladimir Putin destruktesas multa tuni de viktualii Ocidentana, qui malgre l' interdikto di importacado par-venis al lando. (On povas vidar arkitekturo Rusiana en la fotografuro.)
  • 2015-08-06 | 2 457 241 | 021-840-US     | Kandidati konservemista (la Partiso Republikistara) ye prezidanto Usana debatis ne-formale kom komenco di kampanio ante l' elekto en la yaro 2016.
  • 2015-08-06 | 2 457 241 | 142-034-PK-KP  | Helikoptero milital Pakistanana falis en la provinco Khyber Pakhtunkhwa, nord-west-Pakistan, an la frontiero Afganistanana; ad-minime dekeun homi mortis.
  • 2015-08-06 | 2 457 241 | 001            | Informatikal krimineri Rusiana suspektesas pri infiltrir aden la sistemo di letri elektronikal di ministerio di defenso Usana.
  • 2015-08-06 | 2 457 241 | 021-840-US     | La televizionajo Usana di novaji satira "The Daily Show" brodkastesis laste kun la komediistulo Jon Stewart kom la hostulo.
  • 2015-08-06 | 2 457 241 | 142-030-JP-34  | Japonia ri-memoris la for-jeto di bombo atomal ad-sur Hiroshima, west-Japonia, ye sepadek yari antee.
  • 2015-08-06 | 2 457 241 | 142-034-AF-LOG | Bombero su-ocidal mortigis ad-minime ok homi e vundis dekedu en Pul-i-Alam, est-Afganistan.
  • 2015-08-07 | 2 457 242 | 142-030-KP     | Nord-Korea chanjas sua zono horal de non hori ante Greenwich a ok hori e triadek minuti ante Greenwich, qua esis valida ibe til l' anexo di Korea da Japonia, qua kom okupanto en la yaro 1910 akomodabis la tempo Koreana segun la sua.
  • 2015-08-07 | 2 457 242 | 142-145-SY-HI  | L' Observatorio Siriana por Yuri Homal anuncis, ke la Stato Islamana kidnapis ad-minime duacentetriadek homi, inkluzante adminime sisadek Kristani, ek Al-Qaryatayn, west-Siria, an la frontiero Libanana.
  • 2015-08-07 | 2 457 242 | 142-034-AF-KAB | Ad-minime ok homi ocidesis e quaracent vundesis, pos ke bombo kamional explozabis en Kabul, la chef-urbo Afganistanana.