- EX SUD-EUROPA E ÁFRICA
- 2012-05-12: Li Commission Europan ha assertet, que li economie combinat de li Eurozone va probábilmen contraher se ye 0.3 % in li annu 2012, pro que un crise present del debite e alt desocupation continua devastar li decisett landes usant li euro. Li movement de proteste de indignates in Hispania celebrat su prim anniversarie. Admínim cent mill homes ha congregat se in cités de Hispania por protestar contra li politics, inculpant bankeres pro li crise economic del land. Protestes simil esset fat in altri cités del munde, includent Frankfurt, London, Lisboa e Tel Aviv, quam un parte de un die global de action. Decisores polític principal de li Bank Central Europan ha assertet, que Grecia affectet per li crise fórsan posse abandonar li euro sin indangerar li Eurozone.
- EX SUD-WEST-ASIA
- 2012-05-12: Du Palestinanes detenet in prisones israelian esset rapportat próxim a morte, hante refusat manjar durant 74 dies. Adpluri 1 600 prisonaries hat bastamentat per fame desde li 17im de april. Chefes del bastamenteres attendet un response del Servicie Prisonari de Israel.
- EX STATES UNIT DE AMÉRICA
- 2012-05-12: Li candidate presidential republican projectet Mitt Romney ha condamnat maritage ínter persones del sam sexu quam íllegitim. In universitá evangelical christian Liberty in Lynchburg, Virginia, sud-SUA, il descrit maritage quam exclusivmen "un relation ínter un mann e un fémina".
- EX AMÉRICA LATIN E OCEANIA
- 2012-05-13: 49 córpores dismembrat ha esset decovrit de autoritás mexican sur li Autostrade Federal Mexican 40. Probábilmen it es un parte de li guerre contra li narcotráffic in México.
- EX WEST-EUROPA E CÁNADA
- 2012-05-13: Electores in Nord Rhenania — Westphalia, west-Germania, eat a li urnes pro un election. Li Partise Social-democratic de Germania ha ganiat li pluparte de votes, quó ha permisset a it continuar su guvernament con li subtention del Verdes.
- NOVAS INTERNATIONAL
- 2012-05-11: Reserchatores del States Unit de América ha rapportat, que infectiones preventibil es li cause principal de mortalitá infantin in li tot munde.
- 2012-05-14: Scientistes de li Universitá Stanford in California, west-SUA, ha inventet un ócul bionic functional obtenent energie solmen ex li luce concentrat. Benque ancor un prototyp, li apparate vell posser finalmen restorar li visivitá de milliones de homes suffrent pro morbes oculari, por exemple degeneration maculari e retine pigmentosi.
- 2012-05-15: Scientistes del States Unit de América ha developpat un apparate, quel genera electricitá per víres genéticmen modificat. Li invention vell esser capábil possibilisar li developpament de microgeneratores piezoeléctric ubiqui, queles collecte energie de vibrationes quotidian, por exemple un clusion de porta.
- EX OST-ASIA
- 2012-05-14: Li presidento de Sud-Koréa, Lee Myung-bak, ha comenciat li prim visite official de un presidente de Sud-Koréa in Birmania desde li annu 1983, quande truppes de Nord-Koréa hat effortiat assassinar li presidento de tande, Chun Doo-hwan, per un attacca per un bombe.
- EX NORD-OST-EUROPA E CENTRAL ASIA
- 2012-05-19: Un ethologo, biologo evolutionari e atheisto Richard Dawkins ha annunciat su subtention de un projecte del ministro de education de li Reyia Unit Michael Gove inviar Bibles del Rey Jacobo gratuitmen a chascun schol statal.
- EX CHINA
- 2012-05-20: Protestatores pan-verdi (to es social-democrates e nationalistes taiwanesi) jettat oves contra un placate de Ma Ying-jeou, un membro de li coalition pan-blu (to es conservatives e nationalistes chinesi), in li die quande il ha officialmen devenit li presidento de li República China (Taiwan) por un secund periode, pos har ganiat li election presidential in januar.
- 埃克斯 希納 利 杜安特西姆 德 邁 杜 米爾 德齊杜: 普羅特斯塔托雷斯 潘韋爾迪 (托 埃斯 索恰爾德莫克拉特斯 埃 納齊奧納利斯特斯 台湾埃西) 傑塔特 奧韋斯 孔特拉 溫 普拉卡特 德 马英九, 溫 梅姆布羅 德 利 科阿利齊翁 潘布盧 (托 埃斯 孔塞爾瓦蒂韋斯 埃 納齊奧納利斯特斯 奇內西), 因 利 傑 庫安德 伊爾 哈 奧菲恰爾門 德韋尼特 利 普雷西登托 德 利 雷普布利卡 希納 (台湾) 波爾 溫 塞昆德 佩里奧德, 波斯 哈爾 加尼亞特 利 埃萊克齊翁 普雷西登恰爾 因 賈努阿爾.
- SON
- https://www.box.com/s/d0a970c48333ef510359
- ACCENTU
- hispan, chinesi
- SUBMÚSICA
- Cante mozarabic 1/6 (Hispania)
