2015-04

AUDI REGISTRATION DE SON: PARTE 1, PARTE 2, PARTE 3

  • 2015-03-17 | 2 457 099 | 142-035-PH      | Le Philippinas ha submisse al Corte Permanente de Arbitrage, que habe su sede in Le Haia, un documento continente tres milles paginas de argumentos, indicios e cartas geographic additional a nullificar le pretension de China al Mar de China meridional, que es ric de ressources e que es situate inter le Philippinas e China. In le litore chinese jace regiones autonome Hong Kong, Macao e Guǎngxī, ubi il ha multo debile movimentos a un separation de China.
  • syria+7582015-04-17 | 2 457 130 | 142-145         | Multo ha evente re le Stato Islamic. Presidente de Syria Bashar al-Assad ha dicte, que le chefes le plus periculose del Stato Islamic son scandinavos. (Vos pote vider architectura syrie in le photographia.) Mesmo cento cinquanta milles civiles ha fugite a causa de assedio per le Stato Islamic ex Ramadi, Irak del west, presso le frontiera de Syria, pro que Irak es le partenario commercial le plus grande. Functionarios irakian ha asserte, que chef de militia Izzat Ibrahim al-Douri ha essite occise durante combattimento in le governatorato Salah ad-Din in central Irak. Ille habeva essite le membro del rango le plus alte de governamento de Saddam Hussein ancora non capturate. Un attacco suicidal per un bomba in un automobile ante le consulato del Statos Unite de America ha occise tres e vulnerate dece-quatro humanos in Erbil, Irak del nord, presso le frontiera de Turchia, ubi il ha un forte movimento kurde a un separation de Irak (e anque de Turchia, Iran e Syria). Le Stato Islamic ha confessate su responsabilitate del attacco.
  • 1073833942015-04-21 | 2 457 134 | 150-039-MK      | Quaranta viros albanophone armate in uniformes camouflagiate ha prense plure policieros como hostages in le Republica de Macedonia. Le viros apparentemente requestava un creation de un stato albanese. Illo ha evente in le nord del pais, presso le frontiera de Serbia — precisemente de Kosovo, ubi albaneses habeva ja de facto separate se de Serbia. Le incidente rememorava de un insurrection in le anno 2001, quando fortias de securitate del Republica de Macedonia battaliava contra rebellos, qui demandava plus grande derectos pro albaneses. Le stato proposite de albaneses es appellate Illyrida. 64% son macedones e 25% son albaneses in le parve Republica de Macedonia, circumferte per su quatro vicinos plus grande — Bulgaria, Serbia, Albania e Grecia, que celebrava le 194te anniversario de su independentia del Imperio Ottoman in le 25 de martio. Serbia es le pais le plus amical pro le Republica de Macedonia secundo Facebook. (Vos pote vider paisage macedone in le photographia.)
  • 200903071035022015-04-25 | 2 457 138 | 142-034-NP-3-GA | Un forte seismo de magnitude 7.9 ha occurse inter Katmandu, le capital nepalese, e Pokhara, Nepal del west. Le governamento de Nepal ha declarate un stato de emergentia. Plus que quatro milles de humanos ha morte e circa nove milles ha essite vulnerate in Nepal, Bangladesh, Bhutan, Tibet (ubi il ha un debile movimento a un separation de China) e India del nord-est (includente le statos e regiones Sikkim, Bengala Occidental e Gorkhaland, que son adjacente a Nepal e ubi il ha multo debile movimentos a un separation de India). India es le partenario commercial le plus grande pro Nepal e Bhutan. Le disastro ha affecte Bangladesh proximemente post le 26 de martio, que era le 44te anniversario de su independentia de Pakistan, que remane le pais le plus amical pro Bangladesh secundo Facebook. Multe sitos de patrimonio mundial de UNESCO ha essite destructe, includente le turre historic Dharahara in Katmandu. (In le photographia vos pote vider, como Nepal aspectava ante le seismo.) Plus tardemente, durante labores de salvation e restablimento, un forte replica de magnitude 6.7 ha occurse, causante avalanches additional in le Himalaya, que ha occise deces de humanos. Helicopteros de salvation elevava ascensionistas malmente vulnerate ex le Monte Everest.
  • 2015-04-26 | 2 457 139 | 021-840-US      | Corinthian Colleges, compania educative statounitese con fines lucrative, ha annunciate, que illo claudera su cetere plus que vinti universitates in le Statos Unite del west a causa de investigationes statal e federal de su practicas durante cercar empleos pro su studentes.