- EKS CINESIA
- 2012-04-12: Filipinia av mited otr nav pro yunktar it ad nav ya present la, intensionu konfrontasion ko du navi oseanografiik de Republik Popular de Cinesia in Mar Sud-cinesik (nomed Mar Uest-filipinik per kelk filipini), negligante ke omni du flanki dikav intensionar resolvasion paksos.
- EKS ASIA ESTIK
- 2012-04-12: Shefo nord-korean Kim Jong-un av resived du funksioni in Partis de Labor Korean anteriore tened per sie patr Kim Jong-il: presedanto de Komitet Militarik Sentrik de partis e membro regular de Komod Politikal.
- 2012-04-13: David Cameron av visited Birmania, fasiante visit historike prim de ist land per ministr prim britanian. Po okurasion ko shefa pro-demokratik Aung San Suu Kyi in Yangon, Birmania sudik, David Cameroon av diked, ke sanksioni ekonomiik kontr Birmania es suspendand pro rekonosar modifikasioni aveniant in ist land.
- EKS EUROP UESTIK E KANADA
- 2012-04-13: Presidento fransian Nicolas Sarkozy av konfesed, ke il no avav visited Fukushima esante in Yaponia po flukson e tremblasion de ter pre-si-anuik, obstinu dikavar fasiavar it.
- 2012-04-16: Mortifikator de du sorori de ansianitet desun e okt anui in Krailling, Bavaria, Germania sudik, av esed truved kulpos e yudiked ad prisonad perpetu.
- EKS EUROP SUDIK E AFRIK
- 2012-04-17: Sudanesia no sesav bombardar urb frontierik disputed okuped per Sudanesia Sudik e dikav sisar teritori. Parlament sudanesian av deklared Sudanesia Sudik kuale neamik e sie guvernatorel kuale subvertand.
- AVIS INTERNASIONAL
- 2012-04-17: Dudestri poeti ankor mank pro kongres mono-semanik inkloserant un poet eks omni land konkurerant in Ludi *Olimpik Termotempik 2012 in London.
- EKS EUROP NORD-ESTIK E ASIA SENTRIK
- 2012-04-16: Kurt Europan de Yuri Homik av yudiked, ke Rusia violav yuri de des parenti de viktimi de masakr in Katün, keloke sirka dudesdu mil poloniani aved esed fusiled per polisi sekretik sovietian in anu 1940. Kurt av refered it kuale delikt guerik.
- 2012-04-19: Anders Behring Breivik, fasiator konfesavant de ataki terorismik pre-si-anuik in Norvegia, av diked, ke il intensionav dekapar Gro Harlem Brundtland, ministra prim sosialdemokratik norvegian anterior, e mitar fotografadi movant di it ad *internet.
- EKS AMERIK LATIN E OSEANIA
- 2012-04-17: Ministro de forenaj espanian José García-Margallo y Marfil av kritiked Argentina kausu sie desidasion nasionalifikar YPF, sosietet naftik argentinan, aksioner mayoritetik de kel es sosietet espanian Repsol. Desidasion de nasionalifikasion es popular in Argentina.
- 2012-04-18: Kuba laudav "rebelasion" per Amerik Latin e Karib kontr dominasion de Stati Uniavant de Amerik durantu Sekst Kongres Amerikan in Kolombia. Durantu ist kongres, presidento de Stati Uniavant Barack Obama debav usar sue "veto imperatorik", kuale Kuba nom it, pro ke kongres no eksprima sue volu, ke sanksioni de Stati Uniavant kontr Kuba finia. Obstinu pres intensiv per landi sinistrismik, Stati Uniavant no ses blokar Kuba de partisipar kongresi amerikan.
- EKS STATI UNIAVANT DE AMERIK
- 2012-04-16: General Martin Dempsey av diked, ke il senti se neapte e ke shef esero eksmoved, regardu akusasioni, ke agenti de Servasion Sekretik de Stati Uniavant kustomike akuirav uniasioni seksuik in Kolombia.
- 2012-04-20: Puni de Marcus Robinson, eksekutered in anu 2007, es modifiked ad prisonad perpetu, po ke Gregory Weeks, yudikatoro de Kurt Superior de Karolina Nordik (SUA sudik), av yudiked, ke proses kontr Marcus Robinson avav esed rasike pre-influensed, kause yuri no avav inklosed sufise mult negri.
- EKS ASIA SUD-UESTIK
- 2012-04-18: Mili de manifestatori pro-demokratik marshav mediu Tubli, Bahrain estik, klamante pro kad de guvernatorel e kontr Premi Grand de Formul 1, tenered in ist land in soldi. Polisi lansonav grenadi temporare siekifikant kontr manifestatori proksimu eksposasion kulturik in Manama, keloke on vokav pro librifikasion de aktivisto pro yuri homik Abdulhadi al-Khawaja, kel strik per famel in prison e es preserved vivik per gutasion ad ven.
- 2012-04-18: Ofisiri de SUA av kondamned fotografadi monstrant soldati de SUA ko kadavri mutiled de atakatori suisidiik afganian suspekted. Diurnal Los Angeles Times av publiked ist fotografadi obstinu kritik.
- SON
- https://www.box.com/s/1eeca0b522f95ae7e048
- AKSENTUASION
- espanik
- SUB-MUSIK
- Shua Chan Pakhi de Bari Siddique
- "The great Bahraini massacre by the criminal coward joint forces of Saudi & Bahrain" eks YouTube
