Originally I intented to write this blog for much longer time. However, after three lessons of classical Latin, I realised I was already able to write simple sentences in it. Ergo, unless my theory is revealed to be false and I am expelled from Latin Wikipedia for making elementary mistakes, I will move here and write my news in classical Latin. (No more ex mundo Slavico only, but from a more worldwide point of view, of course.)

26 DE OCTOBRE 2008, DIE DE SOLE

Missu eveni inter potestates occupante de Russia et viros de militia de Abascia secundo fonte de Georgia.

Praeside de Abascia Sergei Bagaphš accusa Georgia de irritationes grande cum usu de potestate armato, post quando Georgia deiece in modo grave contra custodia de confinio de Abascia apud flumine Inguri, parte de confinio inter Georgia et Abascia.

27 DE OCTOBRE 2008, DIE DE LUNA

Secundo conventu Europaeo de Ruthenos Subcarpathaneo eveni in die de Saturno in Mukačevo. Participatores pete autonomia. Ruthenia Subcarpathaneo es nunc parte de Ucraina occidentale, inter bellos de terras de orbe primo et secundo id es parte de Tzechoslovachia orientale et ante bello de terras de orbe primo id es parte de Hungaria orientale.

Rebelles de Ṭālibān in Afgania rumpe helicoptero Chinook de Civitates Foederato de America cum decem milites per ruchetas-granatas. Omne milites supervive secundo oratore de Civitates Foederato de America. Helicoptero es rupto in provincia Wardak in loco occidentale circa quniquaginta chiliometros de Kabul.

Praeside de Georgia Micheil Saakašvili dimitte primo ministro Lado Gurgenidze et illo subroga Grigol Mgaloblišvili quam primo ministro novo post bello in Ossetia Meridionale.

Russia offe auxilio ad Cuba ut meliorare suo defensione de aere et educare suo centuriones.

28 DE OCTOBRE 2008, DIE DE MARTE

Primo ministro de Re Publico Populare de Sina Vēn Tśiāpǎo dic hodie dum conventu oeconomico in Moskva, que Russia et Sina debe extende suo conviventia ut exsolve crise argentario internationale currente.

Russia et Re Publico Populare de Sina consenti statuere oleiducto inter hoc duo civitates. Oleiducto novo i traferre petroleo de Siberia ad confinio de Sina.

29 DE OCTOBRE 2008, DIE DE MERCURIO

Viswanāthan Ānand de India retenta titulo de defensore de scaccos de mundo in Bonn in Rhenania Septentrionale - Vestfalia in Germania, vincente Vladimir Kramnik de Russia.

Aerario Monetario Internationale, Unione Europaeo et Argentaria Mundano consenti sustine gubernaculo de Hungaria in Budapest per mutuo de 25 milliardo dollarios.

30 DE OCTOBRE 2008, DIE DE IOVE

Piratas de Somalia heri abripe nave de Turcia sub vexilio de Insulas Marsaliense secundo oratores de Turcia. Viginti homines es in nave, que traferre 77 mille tonos de metallo ex Canada ad Re Publico Populare de Sina.

Participatores de conventu de Consociatione de Conviventia de Szànkchǎi, que nunc eveni in capite de Casachia Astana, consenti coordinare suo studio contra crise argentario.

Malaesia agnosce Agro Merulense.

31 DE OCTOBRE 2008, DIE DE VENERE

Duce de Libya Mu‘ammar al-Qaḏāfī adveni ad Moskva, capite de Russia, in tempore primo post 23 annos. Illo e obtine invitatione personale de praeside de Russia Dmitrij Medvedev. Themate principale de negotios es conviventia in industria, energia nucleare et technologia militare.

1 DE 2008 NOVEMBRE, DIE DE SATURNO

Aeroplano de Australia attingente ad societate Jetstar, que vola ex Darwin in Australia Boreale ad Singapura, debe redire tanto triginta minutos post principio de volatu ad causa de grege periculoso de vectores ebrio.