- EX ASIA AUSTROOCCIDENTALE
- 2012-03-21: Exercitu de Syria percute loco habitato juxta Hims, Syria medio, per telos ex aëroplano. Quidem 79 homines es occiso in toto Syria, includente 40 in Hims. Concilio de Salute de Consociatione de Nationes sustine proposito de Kofi Annan, legato de Consociatione de Nationes et Foedere Arabico in Syria, ad finire violentia in hoc civitate. Ministra de res externo de Civitates Foederato de America Hillary Clinton mone regimine de Syria et praeside Bashar al-Assad, que aut illo i sequere proposito de pace de Consociatione de Nationes, aut illo i resistere compressu et separatione crescente ab alio gentes.
- EX EUROPA MERIDIONALE ET AFRICA
- 2012-03-22: Milites assulta aula de praeside Maliense Amadou Toumani Touré. Conjectu de telos es audito in Bamako quam parte de conversione subitaneo de res in civitate. Capitaneo Amadou Sanogo, praeside de Consilio Gentile pro Refectione de Democratia et Civitate, que es creato in modo novo, statim veta prodire in publico. Usque ad praesentia Malio e es democratico in modo simile quam per exemplo Mexico.
- EX SINA
- 2012-03-22: Consociatione de Nationes designa relatore speciale ut scrutare condicione in Tibeto, post que abstinentias de cibo eveni ante sede de Consociatione de Nationes in New York.
- EX AMERICA LATINO ET OCEANIA
- 2012-03-23: Papa Benedictus XVI dice, que communismo non es apto pro Cuba et que illo es praeparato adjuvare insula supradicto invenire novo modos progredere cum mente pacifero.
- NUNTIO SPECTANTE AD MUNDO UNIVERSO
- 2012-03-24: Fragmento parvo de satellite Kosmos 2251, que ori ex concursu de satellites in annu 2009, praeteri Statione Sidereo de Gentes in modo securo. Sex membros de Expeditione 30 potes resumere labore cotidiano.
- EX EUROPA OCCIDENTALE ET CANADA
- 2012-03-25: Persecutores in Francia accusa fratre de interfectore Algerico-Francico Mohammed Merah ad causa de conjuratione terroristico. Mohammed Merah e occidere tres milites deciduo adveno-Francico, rabbino et tres infantes in Toulouse.
- EX ASIA ORIENTALE
- 2012-03-25: Barack Obama, praeside de Civitates Foederato de America, incipe visitatione tridiurno de Corea Meridionale, dum discrimine cresce in Asia orientale ad causa de proba proposito de rocheta de Corea Septentrionale.
- EX CIVITATES FOEDERATO DE AMERICA
- 2012-03-27: Poëtria, scriptrice de disputationes artificiale et femina intellectuale Adrienne Rich, qui quam uno ex primos e scribe de oppressione de feminas et lesbias, mori.
- EX EUROPA SEPTENTRIOORIENTALE ET ASIA MEDIO
- 2012-03-29: Catervas de exspectantes appare apud stationes benzinario in toto Britannias, post que regimine suade, ut rectores de vehiculos motorio complere suo vases ante cessatione possibile de labore de rectores de cisternas benzinario.
- SONITU
- http://www.box.com/s/516ff693cfcd9122fe84
- ACCENTU
- Francogallico
- MUSICA POSTERIORE
- Ana ALdimshqi — Hamzeh Ghadban (Syria), Lina Shamamian (Syria)
