- EKS CINESIA
- 2012-03-13 (2 456 000im diurn yulian): "Interogasioni Ante Eksekutasion", debat *televisionik disiped in Republik Popular de Cinesia monstrant interogasioni ko prisoneri in kamr de mort breve ante lor eksekutasion, av esed anuled.
- EKS EUROP UESTIK E KANADA
- 2012-03-13 (2 456 000im diurn yulian): Dudesokt flandri e nederlandiani, prinsipale pueri, av moried kausu kolision de omnibus in tunel rutonik proksimu Sierre, Valesia, Helvetia uestik.
- EKS ASIA SUD-UESTIK
- 2012-03-15 (2 456 002im diurn yulian): Raport de spionel turkian av diked, ke sirka dudes mil soldati sirian avav deserted trupi guvernatorelik durantu minu ka mens.
- EKS EUROP NORD-ESTIK E ASIA SENTRIK
- 2012-03-16 (2 456 003im diurn yulian): Rowan Williams av anunsied intension retirar se kuale arkiepiskop anglikan de Canterbury in fini de anu.
- EKS AMERIK LATIN E OSEANIA
- 2012-03-17 (2 456 004im diurn yulian): Polisi venesuelan av mortifiked filia de diplomat cilean in punkt de stop in Maracaibo, Zulia, Venesuela uestik, po ke vehikl, in kel ila voyajav, aved refused stopar.
- EKS EUROP SUDIK E AFRIK
- 2012-03-18 (2 456 005im diurn yulian): Diurnalisti britanik Gareth Montgomery-Johnson e Nicholas Davies-Jones, tened da februar in Libia akusaved kausu intrasion no-legik de land, av esed librifiked.
- EKS STATI UNIAVANT DE AMERIK
- 2012-03-19 (2 456 006im diurn yulian): Kurt de Apeli de Stati Uniavant pro Sekst Sirkuit (SUA nordik) av diked, ke regulasion per Administrasion de Alimenti e Medikamenti flagitant, ke sosieteti tabakik meta imagi su paketi de sue sigareti, no es kontr prim adyunktad de leg basisik di libritet de eksprimasion.
- EKS ASIA ESTIK
- 2012-03-20 (2 456 007im diurn yulian): Kustod de Yuri Homik av anunsied violasioni serios de yuri homik durantu konflikt intr Trupi Armed de Birmania e Armi pro Nedependitet Kacinik durantu disput in Stat Kacin, Birmania nordik, kel aved eksmoved sirka septdeskuink mil homi.
- SON
- http://www.box.com/s/df5506dc8c80ea85b712
- AKSENTUASION
- turk
- SUB-MUSIK
- Araya Araya per Hammamizade İsmail Dede Efendi (Turkia)
