- EKS AMERIK LATIN E OSEANIA
- 2012-03-01: Pluvioni in Gales Sudik Nov, Australia estik, av nesesifiked eksvakuasion u prekautasion in Queanbeyan, Goulburn, Cooma e proksimu Kiama. Dam Warragamba, hidrofont prinsipal pro Sydney, esav ekspekted transfluar inu dudeskuatr hori, inunderant regioni proksim et fluvi Nepean.
- EKS EUROP UESTIK E KANADA
- 2012-03-01: Politikisti de Union Europan av okured pro diskutar problemi ekonomiik de Union e pro re-nominar Herman Van Rompuy kuale presidento de Komitet Europan. Serbia av devenied kandidat pro membritet de Union Europan.
- EKS STATI UNIAVANT DE AMERIK
- 2012-03-02: Ventoni vortik av perkuted Stati Uniavant sudik e nordik, du diurni po aparasion de ventoni vortik in diurn bisekstilik de anu 2012. Sirka trides homi av moried kausu aparasioni de ventoni vortik, prinsipale in Kentukia e Indiana.
- EKS ASIA SUD-UESTIK
- 2012-03-03: Nasioni Uniavant av demanded, ke Siria permita intrasion de sukurs humanik, po ke on avav neged intrasion de sukursatori de Krus Rub ad Hims, Siria sentrik. Atakator suisidiik av mortifiked a minu du homi e lesed kelk otri in Daraa, Siria sudik.
- EKS EUROP NORD-ESTIK E ASIA SENTRIK
- 2012-03-05: Observatori internasional eks Organisasion pro Sekuritet e Ko-laborasion in Europa av truved, ke selektasion presidentik rusian avav esed modifiked favoru Vladimir Putin. Polisi de Moskva av arested desi de protestatori kontr manier fasiar selektasion, inklosant membri eminent de partisi oposant: diurnalisto Aleksey Navalnüy, anti-kapitalisto Sergey Udaltsov e *liberalo Ilya Yashin.
- EKS ASIA ESTIK
- 2012-03-05: Sosietet Konservasionik "Pasturan Marik" av diked, ke it avav impedied nav yaponian prinsipal venant baleni "Nisshin Maru", profunde interiore de Osean Sudik proksimu mar-bord antarktikan.
- EKS CINESIA
- 2012-03-06: Kongres de Stati Uniavant de Amerik av voted a restaurar tarifi plu alt kontr Republik Popular de Cinesia e otr landi, keli suposede subsidi sue eksportaj ad Stati Uniavant.
- EKS EUROP SUDIK E AFRIK
- 2012-03-08: Ministro prim britanian David Cameron anunsi, ke du injenieroi - britano Chris McManus e italo Franco Lamolinara - keli avav esed rapted per ekstremisti mahometan in Nigeria in mai 2011, av esed mortifiked durantu efors britanian e nigerian salvar ili.
- SON
- http://www.box.com/s/styu36qu03eyydpkpaak
- AKSENTUASION
- rusik
- SUB-MUSIK
- Moreton Bay (kanson australian)
