- DE SUD-EUROPA ED AFRIKA
- 2012-02-12: La Grekiana parlamento votis aprobar moyeni spariva demandata pro nova redemto dal Euro-zono. La kompozisto Mices Theodoraces e la socialisto Manoles Glezos esis inter la manifesteri en Athena. La cinemo historial Atticon ed altra adminime dek konstrukturi incendiesis dum violentaji.
- DE USA
- 2012-02-12: Premii muzikal Grammy adjudikesis en Staples Center en Los Ángeles, Kalifornia, west-Usa. La kantistino Angla Adele esis la maxim sucesoza, pro sua kanto "Rolante en lo Profunda". La ceremonio memorigis la recente mortinta kantistino Usana Whitney Houston.
- DE *CHINA
- 2012-02-12: La Asociuro Internaciona di Transporto Aeral demandis, ke la Nacioni Unioninta intervenez pri la disputo inter la Uniono Europana e la Republiko Populal di China pri imposto karbonal.
- DE SUD-WEST-AZIA
- 2012-02-14: On manifestis dum la unesma aniversario di la komenco di manifesti por reformi en Bahrain. Sekuristi pafis gaso lakrimifiva kontre la anti-guverneriisti. La grupo di komputoreri Anonymous atakis kompanio Usana Combined Systems Inc., qua furnisis maxim multa gaso lakrimifiva.
- DE AMERIKA LATINA ED OCEANIA
- 2012-02-14: La FIFA avertis la Asociuro di Futbalo *Argentiniana pri mixar politiko kun futbalo. La AFA volas ri-nomizar sua unesma konkurso segun krozero milital ARA General Belgrano. Centi mortabis en ica navo submersita da navo sub-mara Britaniana dum la milito Falklandana.
- DE WEST-EUROPA E KANADA
- 2012-02-17: Sua Alteso Rejal Princulo Ioannes Friso Bernardus Kristianus David Nederlandana, Komtulo di Orange-Nassau, Siorulo di Amsberg, tre vundesis sub avalancho ski-kurante en Lech am Arlberg, Vorarlberg, west-Austria. Il esas en stando krizal, ma stabila.
- NOVAJI INTERNACIONA
- 2012-02-15: La Konkordo ACTA perdis plusa tolero en la Uniono Europana. Germania, Nederlando, Polonia, Chekia, Slovakia, Bulgaria, Slovenia e Latvia ja suspensis olua ratifiko.
- 2012-02-18: La papo Benediktus la 16-ma komisis 22 nova kardinali ed anuncis sep nova santi. Inter la santi esos Algonquinino-Iroquezino Kateri Tekakwitha e Filipinanulo Pedro Calungsod. Inter la kardinali esas Georgius Alencherry, chefo dil Eklezio Katolika Siriana-Malabarana.
- 2012-02-20: Ciencisti regeneris sileno (Silene stenophylla) de frukto anciena 31 800 okacent yari. Tale li grande devancis la antea rekordo pri la planto maxim anciena sucesoze regenerita.
- DE NORD-EST-EUROPA E CENTRAL AZIA
- 2012-02-18: Tri quarimi de elekteri Latviana refuzis la Rusa kom la duesma linguo ofical dil lando. 38 % de Latviani esas Rusi, en komparo kun un dekimo ante la okupo Sovietiana.
- DE EST-AZIA
- 2012-02-20: La Partiso di Laboristi Nord-Koreana intencas konfirmar Kim Jong-un kom la nova Nord-Koreestrulo. Ca transfero di povo de ilua patro Kim Jong-il esas eventonta en konfero partisal en mez-aprilo.
- SONO
- http://www.box.com/s/d355qtsrt0em5trqihj1
- ACHENTO
- Slovaka (ne-para novajeti — pri Grekia edc.), Cheka (para novajeti — pri Grammy edc.)
- SUB-MUZIKO
- Doxasticon por Vespri dil Asunciono — Octoëchos (muziko Bizantina)
