2012-01-3/3


EX EUROPA MERIDIONALI ET AFRICA

2012-01-21: Urinatores naufragium navis eversae Costa Concordia prope Igilium insulam Italiae mediae scrutabantur. Diligenter et rapide laborabant, nam anxietas erat de casu naufragii ad voraginem, qui fieri poterat.

EX EUROPA OCCIDENTALI ET CANADA

2012-01-22: Olympia Juventutis Hiemalia Oeniponti in Tiroli Austriae occidentalis sollemniter clausa sunt. Numero nomismatum aureorum Germania, Sinae, Austria, Corea Meridionalis et Rossia optimae fuerant.

EX ASIA AUSTROOCCIDENTALI

2012-01-23: Propter Versus Satanicos scriptoris Salman Rushdie, quattuor auctores Jaipur urbe defugerunt. Ii eclogas eorum in certamine litterarum publice legerant, etsi liber in India prohibitus est. Erant Ruchir Joshi Calcuttensis, Jeet Thayil Keralensis, Hari Kunzru Kashmirensis et Amitava Kumar Patnensis.

NUNTII AD MUNDUM UNIVERSUM SPECTANTES

2012-01-21: Ob securitatem, virologi virus influentiae aviariae H5N1 conficiendum intermiserunt. Genus atrius hujus viri creare voluerant, sed anxietas fuerat de potestate abusus bioterroristici.

2012-01-26: Unio Europaea pactum ACTA jura societatum juribus humanis praeferrens subscripsit et confirmatura est. Pactum ACTA praesumptionem innocentiae caret, omnis putatur fur proprietatis intellectualis. Fures, id est omnes, non habent libertatem motionis, jus communicationis secretae, et cetera.

2012-01-30: 25 civitatum Unionis Europaeae pactum de unione fiscali Bruxellis subscripserunt. Civitati cum expensis majoribus acceptis multa irrogabitur. Britanniae et Cechia abstinuerunt.

EX AMERICA LATINA ET OCEANIA

2012-01-27: 170 scriptores pluribus ex gentibus libertatem diurnariorum Mexicanorum petebant. Diurnarii ibi saepe occiduntur a turbis commerciantis materias obstupefacientes, de quibus scribunt.

EX EUROPA SEPTENTRIOORIENTALI ET ASIA MEDIA

2012-01-27: Tredecim rebelles occisi sunt in Daghestania, Cabardino-Balcaria et Inguschetia Rossiae meridionalis. Fuerunt tres conflictiones inter milites Rossicos et contumaces Islamicos.

EX CIVITATIBUS FOEDERATIS AMERICAE

2012-01-29: Angelopoli Californiae praemio Consociationis Actorum donati sunt Joannes Dujardin et Viola Davis. Is pro partibus suis in pellicula Francica Artifex, ea pro pellicula Americana Adjutorium.

EX ASIA ORIENTALI

2012-01-29: Multitudo hominum salutabant ducem adversariam Birmanicam Aung San Suu Kyi, candidatam pro comitiis. Pugna publica ejus initium cepit. Comitia partialia die 1 mensis Aprilis habebuntur.

EX SINIS

2012-01-30: Septem manifestationis participes Tibetani occisi sunt in provincia Suchuensi Sinarum occidentalium. Secundum greges fautorum Tibetanorum hebdomade recente etiam sexaginta homines vulnerati sunt.





SONITUS

http://www.box.com/s/jgly6okfyilur69oc8cg

ACCENTUS

Italianus

MUSICA POSTERIOR

musica funebris Indica