2015-10-25

Dvadesęťpętý dèň oktobra dvatysęćpęťnadsętœgo lětıja:

  • Městné izbory na Ukrajině ne děli sę ni na buntovničkih teritorijah ni v Mariupoľu i Krasnoarmejsku, rosijskojęzyčnyh grådah na vòzhodnœj Ukrajině pri rosijskœj granici. Policija v Odessě, rosijskojęzyčnœm grådě na južnœj Ukrajině pri moldavskœj granici, areštovala Čubakų, kojí porušil ukrajinské zakony tym, že on v dňu izborov publično izrazil poddŕživanıje partiji Darta Vejdera. (Čubaka i Dart Vejder sųt ličnosti iz Ʒvězdnyh vojèn.)
  • Na izborah za poľskí Sbor velikó množinstvo dobyla konservativná eùroskeptičná pravičná partija Pravo i spravědlivosť byvšègo premierministra Jaroslava Kačiňskogo. Ona pod vodstvœm Beaty Šidlo bude možlivo sòstavitì pŕvų množinstvnų vlådų (sdŕžajųčų jednų partijų bez koalicijnyh partnerov) v istoriji postkomunističnœj Poľski.