AUDI PRAELECTIONE SONITO (accentu Francico)
- 2015-01-09 | 2 457 032 | 150 155 FR-J | Duo cives de Francia de origine Algerico - fratres Saïd Kouachi et Chérif Kouachi - es suspecto, quod illos occide decem-duo homines in Paris per oppugna contra officio de periodico hebdomadale Charlie Hebdo, que publica imagines saturico de Mahometo, propheta Islamico. Post isto, illos cape obsides in officina impressorio Création Tendance Découverte in Dammartin-en-Goële in Francia septentriooccidentale. Illo fini per morte de duo fratres et liberatione de obsides. Altero captivitate cum nexu obscuro ad casu anteriore es facto in Hypercacher, supermercatu Judaico in suburbio Vincennes in Paris orientale. Es duo suspectos: Hayat Boumeddiene, muliere habente viginti-sex annos, et Amedy Coulibaly, viro habente triginta-duo annos. (Plus prisco in hoc hebdomade, illos es suspecto, quod illos occide vigile femina per telo ignifero.) Es decem-novem obsides. Illo fini per morte de Amedy Coulibaly et quattuor obsides. Alio quattuor obsides et duo vigiles debe esse collocato in valetudinario. Hayat Boumeddiene fugi.
(In Facebook, Francicos es optimo amicos de Camerunenses, qui celebra anniversario quinquagesimo-quinto de libertate de suo civitate diverso ab Francia. Vos pote videre natura Camerunense in imagine.) - 2015-01-17 | 2 457 040 | 002 | Tchadia decide mittere copias militare ad Nigeria et Camerunia vicino, ut illos pugna contra rebelles Islamico de societate Boko Haram. Legato de Rossia promitte, quod illo i praebe plure instrumentos bellico hodierno ad Camerunia ut pugnare contra rebelles Islamico.
- 2015-01-19 | 2 457 042 | 419 005 AR-C | Accusatore foederale Argentinense Alberto Nisman mori, quando suo capite es vulnerato per telo ignifero. Illo accusa Cristina Fernández de Kirchner, praeside de Argentina, quod illa obvolve nexus Iranico ad oppugna per bomba contra communitate Judaico in anno 1994 in Buenos Aires, capite Argentinense, nam illa vol recludere commercio cum Irania.
(Argentinenses es optimo amicos de Chilenses in Facebook. Chilia praeside Concilio de Salute de Consociatione de Nationes in hoc mense.)
