Yen l' eventi maxim importanta dil yaro 2014:
- 2014-03-03 | 2 456 720 | 150 151 UA | Anti-guverneriisti kun slogani por-Rusiana amasale protestis en granda urbi sud-est-Ukrainiana, pos ke povo statal en Kiyiv, la chef-urbo Ukrainiana, sizesabis da nacionalisti Ukraina por-Ocidental en konflikto violentoza kun Viktor Yanukovich, prezidantulo por-Rusiana demokratiale elektita. En Ukrainia inkluzante Krimea, la Rusa esas linguo matral di 29 % habitanti; Rusi esas 17 % habitanti.
- 2014-05-17 | 2 456 795 | 002 011 NG | Prezidantuli di Nigeria, Kamerun, Chad, Benin e Niger interrenkontris en Paris ed interkonsentis koordinate kombator Boko Haram, rebelaro Islamana Nigeriana, e komunigar specale surveyado e kolektado di informi.
- 2014-09-23 | 2 456 924 | 142 145 SY | La milito civila Siriana tante extensesis, ke preske la tota frontiero inter Turkia e Siria dominacesis dal Stato Islamana e koaliso di Usa, Granda Britania e Nord-Irlando, Arabia Saudia ed altra landi komencis bombardar la Stato Islamana en Siria.
