Un incontra de Interlingue-Occidental ha occurret hodie (in li 7im de april 2014) in München frigid, partialmen nubilosi. München jace sur un via important E45, quel connexe Svedia con Napoli. Che München in Rosenheim, ti ci via es cruceat per un via E60, quel connexe Nantes con Austria.
München es li cité capital de Bavaria, sud-Germania. Germanes e austrianes es pópules fratrin, pro que illi es li maxim bon amícs de unaltru in Facebook. In li Nationes Unit, Germania sovente vota con Belgia e Cánada. Secun li Inqueste Mundal de Valores, germanes es mentalmen próxim a tcheches e japaneses. Germania maximmen merca con Nederland e Francia.
Vi quelc novas:
- 2014-03-25 | 2 456 742 | 150 155 AT-5 | Victoria Gedda, un sveda evosi duant annus fro Särö, sud-west-Svedia, ha esset gravmen vúlnerat in Saalbach-Hinterglemm, Salisburghesi, west-Austria, postquam ella, skiant sur un piste cludet, esset travoluet per un motoslitte pesant six comma quin tonnes. Benque ella laborat ta quam un servera, ella havet solmen un habitual assecurantie turistic de su viage, durant quarantquin dies, quel hat esset expirat in li témpor del accidente. Li hospitale, in quel ella lucta por su vive, advere cuida pri la, ma si lor parentes vell voler transportar la a Svedia per un ambulantie, illi vell dever payar cent ottant mill sved corones (circa duant mill euros). Un gruppe ha ja esset fundat in Facebook por collecter li summa.
- 2014-03-27 | 2 456 744 | 150 155 DE-BY | Cornelius Gurlitt, un possessor de ovres artístic pilliat per nazis, ha consentit restituer un pictura "Fémina Sedent" de Henri Matisse a Anne Sinclair, un descendenta del proprietaries judéic original. Li collection de Cornelius Gurlitt es locat in München e Salzburg.
- 2014-04-02 | 2 456 750 | 050 155 FR | Pos li nomination de Manuel Valls quam un nov prim ministro, ceteri ministres del nov guvernament ha esset approbat de François Hollande, li presidento de Francia. Durant que li nov prim ministro es presc un centrist, alcun altri ministres esset nominat por satisfar li ale plu lévul del Partise Socialistic, quó timidisa li Union Europan pri un lentore del diminution del deficite del budgete statal. Li changes in li guvernament socialistic es un reaction a un grand defete del Partise Socialistic in electiones municipal.
