AUDI PRAELECTIONEM SONITAM (accentu Portugalensi)
- 2014-01-13 | 2 456 671 | 001 | Gentium Foederatio Pedilusoria manui pedilusoriae Kosoviensi ludos amicales contra Foederationis membra plena ludere permisit (exclusis civitatibus Iugoslaviae pristinae). Pilam auream acceperunt Christianus Ronaldo Portugalus manus "Real" Matritensis ut optimus pedilusorum et Nadine Angerer Germana manus "Roar" Brisbanensis ut optima pedilustricum anni 2013.
- 2014-01-28 | 2 456 686 | 142 030 CN | Venditio galloanserarum vivarum in Sinis orientalibus prohibita est, postquam undeviginti homines influentiae aviariae causa hoc anno mortui erant. Hongkongum viginti milia gallorum delenda imperavit, postquam influentiae aviariae serotypus H7N9 in gallis ex continente Sinensi importatis inventus erat.
- 2014-01-29 | 2 456 687 | 021 840 US | Eduardus Snowden, divulgator supervigilationis clandestinae incolarum, propositus est Nobeliano pacis componendae praemio laureandus. Jacobus Clapper, director exploratorum Civitatum Foederatarum Americae, in senatu dixit litteras Sedis Securitatis Gentis ab Eduardo Snowden et consociis suis reddendas esse. Quaesitus an vero etiam a diurnariis, interpres ejus dixit: "Director locutus est de quocumque auxiliante Eduardo Snowden, qui etiam nunc minatur securitatem gentis nostrae per divulgationem illicitam litterarum furto ablatarum de collectione legali nuntiorum externorum."
