Hay un díe calidissim, partialmen nubosi, in Libano, quel hodíe celebra su díe de índependentie. Ye settant annus ante nu, in li 22im de novembre 1943, li guvernerie francesi líber aconnosset li índependentie de Libano per liberar membres del guvernerie novmen electet, queles esset incarcerat in li 8im de novembre, quande illi hat unilateralmen abolit li Mandate francesi por Syria e Libano.
Libano es un land west-asian, quel maximmen merca con Sud-África. Secun Facebook, emirianes e arabianes sauditic es li maxim bon amícs de libaneses. In li Nationes Unit, Libano maxim sovente vota con Syria.
Vi alcun curt novas:
- 2013-11-13 | 2 456 610 | 142 145 SA | Arabia Sauditic ha esset electet quam un membre del Consilie del Jures Homan de li Nationes Unit. Anc China, Russia, Vietnam, Algeria e Cuba ha esset electet.
- 2013-11-18 | 2 456 615 | 142 145 AE | In li Emiratus Arabic Unit, li activisto Waleed Al-Shehhi ha esset sentenciat a un incarceration biannual pro activitás cybernetic indangerant securitá national e diffamant li guvernerie. Il hat twitat pri li processe contra 94 accusates pro lor connexiones con li Fraternité Musulmanic.
- 2013-11-19 | 2 456 616 | 142 145 LB-BA | Quam un parte del excession del guerre civil syrian a Libano, du terroristes suicidal ha attaccat li ambassade iranesi in Bayrūt, mortante admínim 23 homes. Li Brigades de Abdullah Azzam Shaheed, connexet con Al-Qaida, ha declarat su responsabilitá por li attaccas.
