2013 Turchia

Il ha un die calide, in parte nubilose, in Turchia, que hodie celebra le novantesime anniversario de le republica. In le 29 de octobre 1923, Turchia era declarate como un republica e renominate talmente. Postea le Grande Assemblea National de Turchia eligeva unanimemente Mustafa Kemal Atatürk como le prime presidente de le republica.

Le pais trova se sur un cruciata importante de vias: E95 de Sante Petersburgo a Turchia, E70 de Lyon trans Turin e Turchia a Georgia, E90 de Palermo a Turchia e E80 de Tolosa trans Roma a Turchia, ubi illo bifurca se, continuante se sub nomine AH5 trans Asia central a Shanghai e sub nomine AH1 trans Nove Delhi, Pekin e Seul a Tokyo. Le optime amicos de turcos in Facebook son cypriotas e germanos. Le maxime socios commercial de Turchia son Germania, Russia, Iran e Italia.

Ecce alicun novas:

  • 2013-10-03 | 2 456 569 | 150 039 IT-82-AG | Un incendio ha inglutite un barca portante immigrantes african apud le costa del insula Lampedusa, Sicilia, Italia del sud. 359 homines ha mortue a causa del naufragio in le Mar Mediterranee.
  • 2013-10-19 | 2 456 585 | 142 145 TR       | Duo pilotas turc Murat Akpinar e Murat Agcarapte rapte per militantes in Beirut ha essite liberate, excambiate pro le liberation de novem peregrinos iranian rapte per jihadistas syrie; Turchia habeva utilisate su influentia sur le jihadistas. Como un parte de le transaction trilatere, feminas imprisionate per nationalistas syrie ha essite liberate, que era demandate per le jihadistas.
  • 2013-10-25 | 2 456 591 | 150 155 DE       | In un declaration juncte, chefes de le Union Europee ha dicte, que assertiones recente de le spionation per le Statos Unite de America de citatanos e chefes europee, tal como le cancellera de Germania Angela Merkel, poterea prejudicar cooperation in accumulation de informationes.