ASKOLTEZ SONA ENREJISTRURO (achento Cheka)
En Chekia, jovdio divenis la maxim varma dio di ho-yaro til nun. En Strážnice proxim Hodonín, sud-est-Chekia, on mezuris 38.3 Celsio-gradi, quo esis la sama temperaturo quale la rekordo en la yaro 2013. To kontrastas kun nord-west-Chekia, ube la maxim granda temperaturi esis nur cirkum 22 Celsio-gradi. Ma ne multa rekordi devancesis en komparo kun mardio, qua esis la antea maxim varma dio di ho-yaro kun 37.3 Celsio-gradi. Dum vespero, sturmi kun ventegi ruptis arbori. Pro la longa tempo di sikeso e varmeso, alarmeso pri incendii esas valida en sud-est-Chekia. La maxim ofta kauzo di incendii esas neglijo e labori agro-kultival. (16 | CZ)
