2015-09

ASKOLTEZ SONA ENREJISTRURO (achento Cheka e Slovaka)

  • 1194170312015-08-31 | Dum protesti kontre la reformo konstitucural, qua koncesas plu multa yuri ad est-Ukrainia, Ukraina nacionalisti acendis petardeti e kokteli di Molotov avan la parlamento en Kiyiv, la chef-urbo Ukrainiana.
  • 2015-08-31 | Segun nova studiuro, rinoceri di speco Dicerorhinus sumatrensis konsideresas kom extingita en naturo Malaiziana.
  • 2015-09-01 | Ciencisti dil Universitato di Kalifornia en San Francisco, Usa, anuncis la des-kovro di proteino altrigita (*priono), qua esas kauzo direta di atrofio mult-sistema, maladeso rara e ne-remediebla, simila a morbo di Parkinson.
  • 2015-09-01 | Dum la plebicito pri nova standardo Nov-Zelandana, qua plu distinte diferez de la di Australia vicina, quar selektebli prizentesos al civitani por la votado.
  • 2015-09-02 | Nova studiuro evaluas, ke esas plu kam tri trilion (3×1012) arbori sur Tero, ma dekekin bilion (15×109) perdesas singlayare; homi esas la chefa kauzo.
  • 2015-09-02 | Fuzeo Rusiana Soyuz TMA-18M lansis tri kruani al Staciono Spacal Internaciona.
  • 2015-09-03 | Parado milital kun dekeduamil armeani, kinacent vehili e duacent aeroplani eventis en Běijīng por celebrar la sepadekesma aniversario dil dio dil vinko.
  • 2015-09-13 | Mediki en hospitalo universitatal en Salamanca, Kastilia e Leon, Hispania, en-plantacis artifical titania sternumo e parti di kosti produktita per imprimo tri-dimensiona ad-en kuracato, qua havis multa tumori kancera en ica parto di sua korpo.
  • 2015-09-13 | Riveno dal kosmonautulo Rusa Gennadiy Padalka ek la Staciono Spacal Internaciona facis rekordo pri la tempo pasita en spaco, devancante la rekordo facita da ilua sam-landanulo Sergey Krikaliov en la yaro duamilekin.
  • 2015-09-14 | Malcolm Turnbull esas divenonta nova chef-ministrulo Australiana e nova chefulo dil Partiso Liberal di Australia, vinkinte sua precedantulo Tony Abbott per kinadekequar voti kontre quaradekequar.
  • 2015-09-14 | Pro la krizo Europana migrantal, Germania ri-permisis en-iro di treni ek Austria pos ri-introduktir kontroli frontieral. (On povas vidar arkitekturo Austriana en la fotografuro.)