2015-07 — adpendad

AUSKULTA REGISTRASION DE SON (aksentuasion slovak e cekh)

  • IGP91232015-07-02 | 2 457 206 | 002-015-EG | Po ke rebeli mahometanistik aved fasied ataki in peninsul de Sinai, Egiptia nordik, proksimu frontier de Israel e Palestina, Egiptia av afirmed no seserar ataki in peninsul de Sinai usk removasion de militaristi de Stat Mahometan. Sent homi av esed mortifiked in kombat in du diurni. Ataki per Fors Aerik Egiptian in peninsul de Sinai av mortifiked a minu dudestri militaristi ko relasion a Stat Mahometan, in un diurn po konflikti leplu mortal in ist region in mult anui. In 23rs yuli, Egiptia festero aniversar seksdeksters de revolusion de anu 1952. (Voi potes visar *arkitektur egiptian in fotografad.)
  • 2015-07-03 | 2 457 207 | 142-030-CN-65 | A minu kuatr homi av esed mortifiked e kuatrdesokt lesed po tremblasion de ter de granditet 6.5 in distrikt Guma, Xīnjiāng-Uigur, Cinesia uestik, proksimu frontier de Jammu e Kashmir, India nordik. (In omni du regioni es movasioni nefort pro separasion eks Cinesia e India. Cinesia es partner komersik leplu grand pro India.)
  • 2015-07-04 | 2 457 208 | 150-155-DE | In konkurasion mundik de *futbal feminik in Kanada, Anglia av viktoried Germania in prolongasion mersiu but fasied per Fara Williams. Tale Anglia av atined plas ters, durante ke Germania av atined plas kuart.