- DE *CHINA
- 2012-07-11: Membri dil Asociuro di Nacioni Sud-west-Aziana e la Republiko Populal di China ne konkordis pri kodexo di konduto kalmigonta disputi teritorial pro la Maro Sud-Chinana, anke nomata Maro West-Filipinana o Maro Est-Vietnamana.
- DE SUD-EUROPA ED AFRIKA
- 2012-07-13: La Korto Punisal Internaciona emisis impero por arestar Sylvestre Mudacumura, komandantulo Kongolandana dil Trupi Demokrata dil Liberigo di Ruanda, pro krimini milital.
- DE WEST-EUROPA E KANADA
- 2012-07-17: Kelka aguli trovesis en sandwichi prizentita dum plura flugi da la kompanio Usana Delta Air Lines de Amsterdam ad Usa.
- NOVAJO INTERNACIONA
- 2012-07-17: Tri kosmonauti — Usanino Sunita Williams, Rusulo Yuriy Malenchenko e Japonulo Akihiko Hoshide — arivis an la Staciono Spacal Internaciona por vizito tri-monata.
- DE USA
- 2012-07-18: Dum l' unesma projekto di "La Kavaliero Obskura Acensas", pafero furioza James Eagan Holmes ocidis dekedu homi e vundis cirkum sisadek en cinemo en Aurora, Kolorado, west-Usa. Segun teorio di komploto, James Eagan Holmes, kom studianto ecelanta di *nevrocienco, partoprenis experimento, dum qua FBI lavis ilua cerebro, entrenis ed equipis ilu por l' atako. Kom sendito protektata, il ne pafis kontre la polico e la polico nule pafis kontre ilu, vicee quik pos l' atako il rezignis ed avertis la polico amikale pri sistemo exploziva en sua apartamento. Segune, la skopo dil atako esis terorigar la habitantaro e legitimigar olua pokopa senarmigo, kontravencante la konstitucurale garantiita yuro portar armi, sen qui la populo ne esus kapabla defensar su kontre la guvernerio, qua do povus enduktar diktatoreso. Nam en New York la Nacioni Unioninta jus konferas pri la kontrato pri la komerco dil armi, on timas, ke tala diktatoreso povus enduktesar ne nur intra Usa, ma en la tota mondo. Segun adheranti dil yuro portar armi, la tragedio en Aurora tote ne eventus, se la cinemo ne esus zono sen-arma, nam un ek la spektanti per sua armo maxim probable des-nocivigus l' atakantulo quik pos ke il esus perceptebliginta sua eskopeto, ante ke il povus ocidar tanta plusa homi.
- DE SUD-WEST-AZIA
- 2012-07-18: Bombo explozis dum renkontro di ministri e sekuresisti importanta Siriana en Dimashq. Ocidesis ministrulo di defenso Daoud Rajha, vice-vice-prezidantulo Hasan Turkmani, ministrulo di internaji Mohammed Ibrahim al-Shaar e vice-ministrulo di defenso Assef Shawkat.
- DE NORD-EST-EUROPA E CENTRAL AZIA
- 2012-07-18: Adminime sis turisti Israelana ocidesis per explozo di bombo en autobuso en aero-portuo di Burgas, sud-Bulgaria. La chef-ministrulo Israelana Benjamin Netanyahu blamis Iran pro l' explozo.
- DE AMERIKA LATINA ED OCEANIA
- 2012-07-18: En *Mexiko, Andrés Manuel López Obrador dil socialistara Partiso di la Revoluciono Demokrata, kandidatulo perdinta por la prezidanto en elekto recenta, akuzis la socialdemokratara Partiso Revolucional Institucural pri uzir pekunio lavita (t. e. rekoltaji legaligita de aktivesi kriminal) por pekuniizar la kampanio di Enrique Peña Nieto, qua fine elektesis kom la prezidontulo.
- DE EST-AZIA
- 2012-07-18: Kim Jong-un oficale anuncesis kom la chefulo suprega di Nord-Korea. Il anke ganis la rango di marshalo en l' Armeo Populal di Korea.
- SONO
- https://www.box.com/s/51d1f954d03c42997a43
- ACHENTO
- Slovaka
- SUB-MUZIKO
- Psalmodio da Santa Ioannes Kukuzel (sud-est-Europa)
