- DE EUROPA DEL NORD-EST E ASIA CENTRAL
- 2012-06-11: Policia de Russia con fusiles de assalto ha intervente in le casas de activistas politic de le opposition in un razzia matutinal, includente le jornalista Alexei Navalny, le liberal Ilya Yashin e le anticapitalista Serguei Udaltsov, qui intendeva assister a un manifestation massive de le opposition in Moscou in le die sequente; illes ha essite convocate a apparer ante le tribunal in loco de illo.
- DE ASIA DEL SUD-WEST
- 2012-06-11: Recercatores ha revelate ligamines directe inter cyberattaccos contra Iran per Flame e Stuxnet, dicente, que le aggressores collaborava de ambes in antique stadios de disveloppamento de cata menacia.
- 2012-06-12: Legislatores de Israel ha dedicate un session de parlamento a commemorationes possibile de le genocida armenian, nunc quando le relationes con Turchia es deteriorate, proque Israel ha occise nove citatanos de Turchia in aquas international del Mar Mediterranee in le anno duo milles dece.
- NOVAS INTERNATIONAL
- 2012-06-11: Le Telescopio Europee Extrememente Grande ha essite approbate per statos membros de le organisation del Observatorio Europee del Sud.
- 2012-06-13: Scientistas ha decifrate le genoma del bonobo, que talmente es le ultime hominida con le sequentia de DNA discoperte, post le chimpanze, orang-utan e gorilla.
- 2012-06-11/19: Le Campionato Europee de Football continuava se in Polonia e Ukraina. In Breslavia (polonese Wrocław, german Breslau, latin Wratislavia), Chechia ha victe Grecia 2:1 e Polonia 1:0. In Varsovia (polonese Warszawa), Russia ha jocate parmente con Polonia 1:1 e illo ha essite victe per Grecia 0:1. In Donetsk, Anglaterra ha jocate parmente con Francia 1:1 e illo ha victe Ukraina 1:0; Francia ha victe Ukraina 2:0. In Leopolis (ukrainian Lviv, polonese Lwów), Danmark ha essite victe per Portugal 2:3 e per Germania 1:2. In Kharkov (ukrainian Kharkiv, latin Charcovia), Nederland ha essite victe per Germania 1:2 e per Portugal 1:2. In Kiev (ukrainian Kyiv, latin Kiovia), Svedia ha essite victe per Ukraina 1:2, per Anglaterra 2:3 e illo ha victe Francia 2:0. In Poznań (latin Poznania), Italia ha jocate parmente con Croatia 1:1 e illo ha victe le Republica de Irlanda 2:0. In Gdańsk (german Danzig, latin Gedanum), Espania ha victe le Republica de Irlanda 4:0 e Croatia 1:0.
- DE ASIA DEL EST
- 2012-06-13: Experto japonese de cellulas originatori Shinya Yamanaka ha ganiate le Premio de Technologia del Millennio a causa de discoperir como reprogrammar cellulas human a imitar cellulas originatori embryonal, que pote devenir qualcunque cellula in le corpore.
- デ アシャ デル エストゥ レ デツェトゥレス デ ジウーニョ ドゥーオ ミレス デツェドゥーオ: エクスペルト ジアポネセ デ ツェルーラス オリギナトリ シンヤ ヤマナカ ハ ガニャテ レ プレミョ デ テクノロギャ デル ミレンニョ ア カウーサ デ ディスコペリル コモ レプログラマル ツェルーラス ホゥーマン ア イミタル ツェルーラス オリギナトリ エンブリョナル, クエ ポテ デヴェニル クアルクーンクエ ツェルーラ イン レ コルポレ.
- DE AMERICA LATIN E OCEANIA
- 2012-06-14: Abbordante le Committee Special de le Decolonisation de le Nationes Unite, le presidente argentin Cristina Fernández de Kirchner demandava, que le Regno Unite entra in negotiationes de le soveranitate de le Insulas Falkland. Un ceremonia era tente in Stanley, le capital de le Insulas Falkland, Regno Unite del sud, a celebrar le trentesime anniversario del fin de le guerra de Falkland.
- DE CHINA
- 2012-06-15: Post que photographias de un matre e su infante morte habeva curso in internet, le Republica Popular de China ha suspense tres functionarios, e le governamento de le citate Ankang, China del west, ha excusate se a le femina, Feng Jianmei, vinti tres annos, qui habeva essite fortiate a suffrer un aborto illegal in le septime mense de su graviditate.
- 德 希納 萊 德采欽庫埃 德 容約 杜奧 米萊斯 德采杜奧: 波斯特 庫埃 福托格拉菲亞斯 德 溫 馬特雷 埃 蘇 因凡特 莫爾特 哈貝瓦 庫爾索 因 因特爾內圖, 萊 雷普布利卡 波普拉爾 德 希納 哈 蘇斯彭塞 特雷斯 豐克齊奧納里奧斯, 埃 萊 戈韋爾納門托 德 萊 齊塔特 安康, 希納 德爾 韋斯特, 哈 埃克斯庫薩特 塞 阿 萊 費米納, 冯建梅, 溫蒂 特雷斯 安諾斯, 庫伊 赫貝瓦 埃西特 福爾恰特 阿 蘇夫雷爾 溫 阿博爾托 伊萊加爾 因 萊 塞普蒂梅 門塞 德 蘇 格拉維迪塔特.
- 2012-06-16: Le Republica Popular de China ha successe lancear su vehiculo spatial Shenzhou 9, portante tres taikonautas - includente le prime taikonauta feminin, Liu Yang - al modulo orbital Tiangong-1.
- 萊 德采塞庫蘇 德 容約 杜奧 米萊斯 德采杜奧: 萊 雷普布利卡 波普拉爾 德 希納 赫 蘇克采塞 蘭采阿爾 蘇 韋希庫洛 斯帕恰爾 神舟 諾韋, 波爾坦特 特雷斯 太空奧塔斯, 因克盧登特 萊 普里梅 太空奧塔 費米寧, 刘洋, 阿爾 莫杜洛 奧爾比塔爾 天宫 溫.
- DE STATOS UNITE DE AMERICA
- 2012-06-11: Le gruppo muslem somali Al-Shabaab ha oblate un premio de dece camelos pro informationes de ubi es le presidente del SUA Barack Obama e pullos pro informationes de le ministra de affaires estranie del SUA Hillary Clinton, respondente a le annuncio del Statos Unite de premios de tres a septe milliones de dollares pro commandantes militante varie. Le Statos Unite menaciava imponer sanctiones a somalis individual opponente se a plano de pace.
- 2012-06-20: Post un requesta del Commitee de Surveliantia Domestic, le presidente del SUA Barack Obama ha invocate un privilegio executive de documentos con relation a le operation Rapide e Furiose. Intra iste opreration, on permitteva, que contrabanderos vende armas a membros de carteles de le droga mexican, qui talmente poterea esser traciate plus facilemente.
- DE EUROPA DEL WEST E CANADA
- 2012-06-14: Viceministro de financias de Germania Steffen Kampeter ha rejectate appellos a mitter le debito de le Eurozona in commun, dicente, que debito es un responsabilitate national.
- 2012-06-15: Canada e Michigan ha annunciate un negotio a construer un ponte inter Detroit, Michigan, SUA del nord, e Windsor, Ontario, Canada del sud.
- 2012-06-20: Un terrorista ha essite detente post prender quatro hostages in un banca de Crédit Industriel et Commercial in Tolosa, Francia del sud-west, le mesme citate ubi Mohammed Merah habeva fusilate cinque homines in martio.
- DE EUROPA DEL SUD E AFRICA
- 2012-06-19: Deces de milles de homines ha convergite sur le Placia de le Liberation in le Cairo a manifestar contra governatores militar de Egypto, qui habeva prense le poter post le eviction de Hosni Mubarak in le revolution del anno passate. Le presidente anterior Hosni Mubarak ha sublate un accidente cerebrovascular in prision e ille era "clinicmente morte", como se informava, ben que plure functionarios de Egypto refutava le annuncio facte per le agentia statal.
- 2012-06-19: Antonis Samaras, chef de Nove Democratia conservatori, continuava negotiar con su rivales politic in Grecia a formar un governamento de un coalition, durante que Grecia luctava a superar su crise economic.
- SONO
- https://www.box.com/s/af8b2d732a92600c4c32
- ACCENTO
- russe, slovac, polonese, chec, albanese, mixte (football), japonese, afrikaans, chinese (2×), german (3×), afrikaans, hungare, turc, grec
- MUSICA DE FUNDO
- Gaelic Symphony Op 32 IV. Allegro Di Molto de Amy Beach (SUA), Dead Man Execution - اعدام ميت de Omar Khairat (Egypto)
