2011-09-3/3


EX STATES UNIT DE AMÉRICA

2011-09-21: Li Corte Suprem ha refusat ajornar li execution de Troy Davis, un accusato pro un homicidie.

NOVA INTERNATIONAL

2011-09-22: Facebook ha modificat su interfacie e addit un mercería de applicationes e un linea chronologic.

EX SUD-WEST-ASIA

2011-09-23: Maḥmūd ʿAbbās ha officialmen petit, que li Nationes Unit mey aconnosser li State de Palestina.

EX SUD-EUROPA E ÁFRICA

2011-09-24: Truppes del Consilie National de Transition ha amassat se avan Surt, est-Libya, vante conquestar it.

EX NORD-OST-EUROPA E CENTRAL ASIA

2011-09-24: Vladímir Pútin ha acceptat un proposition de Dmítri Medvédev a pretender li presidentie de Russia.

EX WEST-EUROPA E CÁNADA

2011-09-25: In li Marathon de Berlin, li currero kenyan Patrick Makau Musyoki ha superat li récord de marathon.

EX OST-ASIA

2011-09-26: On ha ordonat un investigation de un recent attentate suicidal in Surakarta, central Indonesia.

EX AMÉRICA LATIN E OCEANIA


Esque vos vell divinar, que ili es aborigenes australian?
2011-09-28: Andrew Bolt, un jurnalisto australian, ha esset condamnat pro contravenir li lege de discrimination racial. Il hat scrit, que mult australianes blanc de un tre litt orígine aborigen opta esser aborigenes solmen pro moda, carriera, opportunisme o política.

EX CHINA

2011-09-29: Sud-China prepara se por li typhon Nesat, quel hat mortat decenes de homes in li Philippines.